«Ոնց Նիկոլ Փաշինյանը ճանապարհ փակելով եկավ իշխանության, նույն ձևով կարող ենք իրեն ռադ անել». Պռոշյանի բնակիչ

«Պռոշյանցին պահանջում է, որպեսզի իր տրանսպորտը նույն ձևով պահպանվի: Այսօրվա կառավարությունը չի մտածում, թե ինչպես պետք է ժողովուրդը ոտքով կտրի այս վտանգավոր փողոցը և նոր հասնի ավտոբուսին»,- բողոքի ակցիայի ժամանակ ասաց Աշտարակի մայրուղին փակած պռոշյանցիներից մեկը՝ նշելով, որ այսօրվա իշխանությունը ժողովրդավար չէ, չի մտածում ժողովրդի մասին: «Էսօր ամեն մեկն իր փափուկ տեղը նստած պահում է իր բիզնեսը, իր աթոռը: Պռոշյանցին ժամանակին քիչ ձայն չի տվել Նիկոլ Փաշինյանին: Բայց ոնց ինքը ճանապարհ փակելով եկավ իշխանության, նույն ձևով կարող ենք ճանապարհ փակելով իրեն ռադ անել: Հերիք է այս ժողովրդին կպնեն»,- հավելեց բնակիչը: