Քասախի և Պռոշյանի բնակիչները կրկին փակել են Աշտարակի մայրուղին

Քասախի և Պռոշյանի բնակիչները կրկին փակել են Աշտարակի մայրուղին: Նրանք պահանջում են, որպեսզի թիվ 59 երթուղին սպասարկող ավտոբուսը շարունակի գործել։ Հայտնում են, որ համաձայն նոր որոշման, այլ երթուղի է գործելու՝ ավելի թանկ ուղեվարձով և այն սպասարկելու է «Մուլտիտրանսպորտ» ընկերությունը։

Բնակիչները Կառավարության պաշտոնյաներին խնդրել էին, որպեսզի 59 համարի ավտոբուսն իր սահմանված ուղուց 200 մետր բարձրանա՝ մոտենալով բնակավայրին։ «Մեր պահանջը մեկ շաբաթվա ընթացքում կքննարկեն: Մեկ շաբաթ կսպասենք, ապա կորոշենք մեր հետագա անելիքները»,- ապրիլի 10-ին ասել էին բնակիչները։