Դատավորը նիստերի դահլիճից հեռացրեց լրագրողին՝ իրեն «նախկին ՔՊ-ական» ներկայացնելու համար

«Ամեն վերնագիր գրելուց ձեզ հուշո՞ւմ են»,- դիմելով «Yerevan Today»-ի լրագրողին՝ ասաց «Մարտի 1»-ի գործով դատավոր Սարգիս Պետրոսյանը։ Ի պատասխան՝ լրագրողը նշեց․ «Ձեզ հուշո՞ւմ են՝ ինչպես դատը վարեք»։ «Դուրս գնացեք»,- դատավորը դահլիճից հեռացրեց լրագրողին։
Պատճառն այն էր, որ լրատվականը նյութ էր հրապարակել, որտեղ գրված էր «նախկին ՔՊ-ական դատավոր»։ Նյութում ասված էր․ «Գեներալ-գնդապետ Յուրի Խաչատուրովի ինքնազգացողությունը դատական նիստի ժամանակ վատացավ․ նա դուրս եկավ նիստերի դահլիճից․ հայտարարվեց ընդմիջում։

Հիշեցնենք, որ սահմանադրական կարգի ենթադրյալ տապալման վերաբերյալ հակասահմանադրական ճանաչված գործով տեղի է ունենում դատական նիստ․ դատավորը նախկին ՔՊ-ական Սարգիս Պետրոսյանն է»։