Նիկոլ Փաշինյանը նիստ է հրավիրել. Գյումրու ՔՊ-ականներից հաշվետվություն է պահանջելու

Նիկոլ Փաշինյանը հրավիրել է «Քաղաքացիական պայմանագիր» կուսակցության նիստ: Ըստ «Հրապարակ»-ի՝ վարչապետը զայրացած է և հաշվետվության է կանչել Գյումրու ՔՊ-ականներին: ՔՊ վարչության փոխնախագահ, պատգամավոր Վահագն Ալեքսանյանը նիստից առաջ լրագրողների հետ զրույցում հերքեց նմանատիպ լուրերը՝ պնդելով, թե իրենք հավաքվում են ամեն հինգշաբթի, արտառոց ոչինչ չկա: «Օրակարգում ունենք 2 հարց՝ կրիպտոարժեքների ոլորտն ու Գյումրու ընտրությունների արդյունքները»,- ասաց Ալեքսանյանը: