«Արուսյակ Ջուլհակյանը անզուսպ ստում է»․ Բագրատ Միկոյան

Այսօր ԱԺ-ում ՔՊ-ական պատգամավոր Արուսյակ Ջուլհակյանը ի պատասխան Հայոց ցեղասպանության ուրացման մասին մեղադրանքների, նշել էր, թե ՀՀ երկրորդ նախագահ Ռոբերտ Քոչարյանը ևս պատմաբանների հանձնաժողով ստեղծելուն հավանություն է տվել։

«Երկրորդ Նախագահը կառավարական հանձնաժով ստեղծելու համաձայնություն էր տվել, որը կրկին պետք է ուսումնասիրեր Ցեղասպանության լինել-չլինելը»,- ասել է նա։

ՀՀ երկրորդ նախագահի գրասենյակի ղեկավար Բագրատ Միկոյանը «Yerevan.Today»-ի հետ զրույցում արձագանքել է Ջուլհակյանին․ «Թե՛ Էրդողանի՝ 2005 թվականի նամակը, որով նա առաջարկում էր ստեղծել պատմաբանների հանձնաժողով և թե՛ նախագահ Քոչարյանի պատասխանը, որում այդ առաջարկը մերժվում էր, բաց մատչելիությամբ հասանելի են համացանցում։ Այդ պատասխանը նման կերպ ներկայացնելու համար կամ Արուսյակ Ջուլհակյանը 42 տարեկանում դեռ մնացել է առաջին դասարանում (բնորոշումը իր շեֆինն է) և տեքստերի ընկալումը նրան հասու չէ, կամ իր շեֆի պես անզուսպ ստում է, կամ էլ ոգևորված է իր շեֆի գրկած՝ Էրդողանի գրքից»։