«Այդ «գաղութով» են անցել ներկայիս շատ բարձրաստիճան սպաներ»․ Վիտալի Մանգասարյան

«Հենակետ» վերլուծական կենտրոնի ղեկավար Վիտալի Մանգասարյանի ֆեյսբուքյան գրառումը․ «ԱԺ պաշտպանության և անվտանգության հանձնաժողովի փոխնախագահ Արմեն Խաչատրյանը ԱԺ ամբիոնից հայտարարում է, որ մինչև 2022 թվականը Վազգեն Սարգսյանի անվան ռազմական ինստիտուտը եղել է ինչ-որ հաստատություն՝ գաղութի և զորամասի արանքում։ Նա նաև հավելում է, որ իրենց իշխանության ժամանակ եղել է տարի, երբ ռազմական հաստատություն է ընդունվել ընդամենը 16 հոգի։
Եթե անգամ ընդունենք, որ Արմեն Խաչատրյանի ասածների մեջ որոշ ճշմարտության տարրեր կան (պայմանական 0.1%), ապա փաստացի ստացվում է, որ ինքը խոստովանում է՝ 7 տարի նույն դասարանում մնացած տգետների իշխանությանը պահանջվել է չորս տարի, որպեսզի հասկանան, որ զինվորականների լեզվով ասած «ուչիլիշան» ռազմական չէ, այլ գաղութ։
Խաչատրյանին հիշեցնենք, որ այդ «գաղութով» են անցել նաև ներկայիս ԳՇ պետի տեղակալները, կորպուսների և բրիգադների հրամանատարները և շատ ուրիշ բարձրաստիճան սպաներ, նաև ներկայիս ակադեմիայի պետը:
Անդրադառնալով «տգետներին»՝ պետք է նշել, որ տարիներ են եղել, երբ միայն Վազգեն Սարգսյանի անվան ռազմական ինստիտուտը տվել է մի քանի հարյուր շրջանավարտ, որոնց մի մասը մինչ օրս ծառայում է հայկական բանակում՝ պատվով կրելով զինվորականի կոչումը»։