«Ուզում ես օրը 6 անգամ մսով ճաշ կեր. եթե ապրում ես անբարեկարգ միջավայրում, ուրեմն աղքատ ես». Նիկոլ Փաշինյան

«Բյուջեով է որոշվում.... ասա՝ երկրիդ բյուջեն ինչքան ա, ասեմ՝ ոնց ես ապրում դու, ասա համայնքային բյուջեդ ինչքան ա, ասեմ՝ ոնց ես ապրում դու»,- ԱԺ-ում հայտարարեց ՀՀ վարչապետ Նիկոլ Փաշինյանը: Նրա խոսքով՝ քաղաքացու լավ կամ վատ ապրելու չափանիշը ոչ միայն վաստակածն է, այլև այն, թե որքան հարկ է վճարում բյուջե. «Հնարավոր չէ լավ ապրել ցեխոտ, մութ փողոցներ ունեցող, այգի ու պուրակ չունեցող բնակավայրում: Կապ չունի՝ շաբաթը քանի անգամ ես մսով ճաշ ուտում. եթե ապրում ես անբարեկարգ միջավայրում, ուրեմն աղքատ ես: Ուզում ես օրը վեց անգամ մսով ճաշ կեր. բարեկեցությունից հեռու ես»,- նշեց նա:

Հիշեցնենք՝ Փաշինյանն ԱԺ-ում ներկայացնում է Կառավարության 2021-2026թթ ծրագրի 2024թ. կատարման ընթացքի ու արդյունքների մասին զեկույցը: