«Վրացական կողմը միշտ միջնորդ է լինելու ՀՀ-Ադրբեջան հակամարտության կարգավորման գործում»․ Վրաստանի ԱԳՆ

Վրաստանը բազմիցս հայտարարել է, որ պատրաստ է իր ներդրումն ունենալ Հայաստանի և Ադրբեջանի միջև հակամարտության վերջնական կարգավորման, տարածաշրջանում կայուն խաղաղության ապահովման նպատակով խաղաղության համաձայնագրի ստորագրման գործում: Այս մասին հայտարարել է Վրաստանի ԱԳՆ ղեկավար Մակա Բոչորիշվիլին:

«Մեր երկիրն արդեն արդարացրել է իրեն՝ որպես Ադրբեջանի և Հայաստանի միջև բանակցությունների չեզոք հարթակ և պատրաստ է շարունակել աջակցել այդ գործընթացին։ Հիմնական նպատակը տարածաշրջանում կայուն խաղաղության հասնելն է: Մենք պատրաստ ենք նպաստել երկու գործընկերների, երկու հարևանների հետ հարաբերություններին։ Վրացական կողմը միշտ միջնորդ է լինելու այդ գործընթացում»,- ասել է նա: