«Մեկ շաբաթ էլ կսպասենք»․ Քասախ-Երևան տրանսպորտի հարցը կքննարկվի կառավարությունում

Ինչպես հայտնել էինք՝ վաղ առավոտից Քասախ համայնքի բնակիչները բողոքի ակցիա էին իրականացնում՝ մերթընդմերթ փակելով դեպի Աշտարակ տանող մայրուղին։ Նրանք պահանջում են, որպեսզի թիվ 59 երթուղին սպասարկող ավտոբուսը շարունակի գործել։ Նրանք հայտնում են, որ համաձայն նոր որոշման այլ երթուղի է գործելու՝ ավելի թանկ ուղեվարձով և այն սպասարկելու է «Մուլտիտրանսպորտ» ընկերությունը։
Բնակիչների հետ հանդիպման էին եկել ՏԿԵ փոխնախարար Արմեն Սիմոնյանը և Կոտայքի մարզպետ Ահարոն Սահակյանը։ Բնակիչների հետ քննարկումից հետո փոխնախարարը հայտնեցին, որ մեկ շաբաթվա
ընթացքում կառավարությունում խորհրդակցություն կլինի, կքննարկեն նրանց պահանջը և կգան կոմպրոմիսային լուծման։ Նշենք, որ բնակիչները խնդրել են, որպեսզի 59 համարի ավտոբուսը իր սահմանված ուղուց 200 մետր բարձրանա՝ մոտենալով բնակավայրին։ «Մեր պահանջը մեկ շաբաթվա ընթացքում կքննարկեն, լուծում կտան։ Մեկ շաբաթ կսպասենք, ապա կորոշենք մեր հետագա անելիքները»,- ասացին բնակիչները։