Լիբանանում ծեծել են հայազգի արվեստագետ Րաֆֆի Թութուկյանին

Լիբանանում ծեծի է ենթարկվել արվեստագետ Րաֆֆի Թութուկյանը, հայտնում են «Արևելք»-ի Լիբանանի աղբյուրները։

Դեպքը տեղի է ունեցել Բուրջ Համուդ հայաշատ շրջանի Նոր Մարաշ թաղամասում, որտեղ ապրում և ստեղծագործում է Թութուկյանը։

Ըստ «Արևելք»-ի, հայ արվեստագետի վրա հարձակմանը նախորդել է վեճը։ Երկու զինված տղամարդ, որոնցից մեկի հետ վիճաբանության մեջ էր մտել Րաֆֆին, մոտեցել և անխնա ծեծել են նրան։

Արվեստագետը տեղափոխվել է հիվանդանոց։ Նշվում է, որ նրա կյանքին վտանգ չի սպառնում։