«Այս դատավարության քաղաքական բնույթն էլ ավելի հասկանալի դարձավ»․ Ռուբեն Մելիքյան

«Քաղաքական իշխանությունը պաշտպանում է ՍԴ դատավորներին, որովհետև նրանք կարևոր գործառույթ ունեն կատարելու։ Այն խայտառակ որոշումը, որ առիթ է հանդիսացել այս վարույթի, մասնավորապես՝ Արցախից հրաժարվելու, Ցեղասպանության պահանջատիրությունից հրաժարվելու վերաբերյալ, դա դեռ վերջը չէ»,-հասարակական-քաղաքական գործիչ Էդգար Ղազարյանի դատական նիստից հետո, լրագրողների հետ զրույցում նշել է փաստաբան Ռուբեն Մելիքյանը՝ ընդգծելով, որ ՍԴ դատավորները դեռ մեկ այլ որոշման կայացման խնդիր ունեն՝ «կապված Ադրբեջանի հետ ենթադրյալ հնարավոր խաղաղության, իրականում՝ ստորացման պայմանագրի հետ»։ Անդրադառնալով իր կողմից ներկայացված միջնորդությանը՝ գործում ներգրավել մեղադրական եզրակացությունում նշված տուժող ՍԴ դատավորին, որը դատավորը մերժեց՝ փաստաբանը ասաց․ «Այս մերժմամբ այս դատավարության քաղաքական բնույթը էլ ավելի հասկանալի դարձավ»։