«Իրենց մտադրությունը ազատազրկման միջոցով ինձ հանրային կյանքից հեռացնելն է»․ Էդգար Ղազարյան

«Երբ որ մարդուն մեղադրանք են առաջադրում գործի հետ առնչություն չունեցող մի քրեական հոդվածով, որը նախատեսում է պատժի չափ ազատազրկման տեսքով մինչև 5 տարի ժամկետով, արդեն պարզ է, թե ինչն է իրենց մտադրությունը։ Իրենց մտադրությունը ոչ միայն հիմա իմ նկատմամբ խոսքի սահմանափակում կիրառելն է, այլ ազատազրկման միջոցով հանրային կյանքից հեռացնելն է»,- դատական նիստից առաջ լրագրողների հետ զրույցում ասել է հասարակական-քաղաքական գործիչ Էդգար Ղազարյանը՝ ընդգծելով, որ դա արվում է ոչ պատահական ժամանակահատվածում՝ արդեն մեկնարկող իրենց ընտրական գործընթացներից առաջ, «որի տեսանկյունից ոչ այնքան կարևոր է ընտրությունները, որին մասնակցելու հավակնություններ ես երբեք չեմ ցուցաբերել, այլ ավելի շուտ սահմանադրական փոփոխությունները, որը նախատեսում են իրականացնել ընտրությունների հետ միասին»։