«Ազգային պատկերասրահի պատերը քայքայվում են, բակը աղբանոց է դարձել». Էդուարդ Հայրումյան

Ակտիվիստ Էդուարդ Հայրումյանն իր ֆեյսբուքյան էջում տեսանյութ է հրապարակել՝ կից գրելով․ «Հայաստանի Հանրապետության գլխավոր և ամենամեծ պատկերասրահը՝ Հայաստանի Ազգային պատկերասրահը հիմնադրվել է 104 տարի առաջ։
Թանգարանի առաջին տնօրենը Մարտիրոս Սարյանն էր, ում ջանքերի շնորհիվ 10 տարվա ընթացքում պատկերասրահը համալրվել է միջազգային նշանակության 1000-ավոր արվեստի գործերով։
Այսօր չգիտեմ՝ ով է թանգարանի տնօրենը, բայց նա նույնիսկ չի նկատում, որ ընդամենը անձրևատար խողովակների (желоб) վնասման պատճառով շենքի պատերը քայքայվում են, իսկ պատկերասրահի բակային հատվածը մի մեծ աղբանոց է հիշեցնում»։
Մեկնաբանությունների բաժնում էլ արևելագետ Դավիթ Վարդազարյանը հավելել է. «Ներկայում մի կին ա, ում ծնունդը թանգարանի պաշտոնական էջով շնորհավորում են ու դա համարում նորմալ, մի կին ա, որ պատկերասրահը վերածել ա ուտուշ-խմուշների օբյեկտի՝ հենց ցուցասրահներում, ու ռաբիզ հարսանեկան ֆոտոսեսիաների տեղի՝ հենց արժեքավոր, նոր ռեստավրացված գործերի ֆոնին։
Համ դրսից ա վարի գնում, համ ներսից»։