«Դրսի կենտրոնները նոր փրկիչ են պատրաստում Հայաստանի համար»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Դրսի կենտրոնները նոր փրկիչ են պատրաստում Հայաստանի համար։
2018֊ին Սերժ Սարգսյանը հայտարարեց, թե ինքը ոչ թե Նիկոլ Փաշինյանին է պարտվել, այլ ինչ֊որ հզոր ուժերի, անցած 4 տարում այդպես էլ չբացահայտեց, թե դրանք ինչ ուժեր են, այժմ ինչքան վտանգ են ներկայացնում Հայաստանի համար։
2020 թվականի տարօրինակ, շատերի կարծիքով՝ պայմանավորված պատերազմից հետո, խորհրդարանական ընտրություններում 680 հազար ընտրող քվե տվեց թաքուն կապիտուլյացիա ստորագրած Նիկոլ Փաշինյանի կուսակցությանը, ինչը վկայում է այդ ընտրողների քաղաքական տհասության, կոռումպացվածության մասին։ Այդ 680 հազարին հեշտ է խաբելը կամ կաշառելը, մարդիկ դժվար են փոխվում։ Դրսի հզոր կենտրոնները Հայաստանի համար պատրաստելու են նոր փրկիչ, որին լրատվամիջոցներով, սոցիալական հարթակներով ուժեղ փիառ են անելու։ Գիտակից, հայակենտրոն անձանց խնդիրը պետք է լինի օտար, հակահայ խաղերին դիմագրավելը, սուտ փրկիչներին դիմակազերծելը»։