«ԱՄՆ-ն կոշտ պատասխան կստանա՝ Իրանում ապստամբություն հրահրելու դեպքում»․ Խամենեի

Իրանի գերագույն առաջնորդ Ալի Խամենեին hայտարարել է՝ չի հավատում, որ ԱՄՆ-ն կարող է դիսից հարձակում գործել երկրի վրա, սակայն եթե Վաշինգթոնը փորձի ապստամբություն հրահրել Իսլամական Հանրապետության ներսում, կոշտ պատասխան կստանա:

«Նրանք սպառնում են վատ բան անել, բայց մենք չենք կարծում, և քիչ հավանական է, որ նրանք դրսից ինչ-որ հարձակում գործեն: Բայց եթե դա անեն, մեր պատասխանը կոշտ կլինի: Եթե հանկարծ որոշեն ապստամբություն հրահրել երկրի ներսում, Իրանի ժողովուրդն ինքը նրանց պատասխան կտա»,- ասել է Խամենեին:

Ավելի վաղ ԱՄՆ նախագահ Դոնալդ Թրամփը հայտնել էր, որ Իրանի հետ «վատ բաներ» տեղի կունենան, եթե նա հրաժարվի ԱՄՆ-ի հետ միջուկային գործարքից։ NBC News-ի հետ հարցազրույցում Թրամփը սպառնացել էր «աննախադեպ ռմբակոծություններով», եթե ԱՄՆ-ն և Իրանը համաձայնության չգան միջուկային գործարքի հետ կապված հարցում։