«Հնձել են առողջ ծառերը. նոր ծառերի գնումն էլ ողողված է կոռուպցիայով». Քրիստինա Վարդանյան

«Մեր մտքով չէր էլ անցնում, որ մի օր կարելի է արթնանալ և տեսնել, որ մարդիկ ուղղակի հնձել են առողջ ծառերը»,-«Ֆակտոր»-ի եթերում ասել է Երևանի ավագանու «Ազգային առաջընթաց» խմբակցության անդամ Քրիստինա Վարդանյանը՝ անդրադառնալով Թումանյան փողոցում ծառերի մասսայական հատումներին: Ավագանու անդամի համոզմամբ, եթե այդ հատվող ծառերի մեջ նույնիսկ կային վնասված ծառեր, դրանք կարելի էր բուժել, այլ ոչ թե հատել: «Որդեգրվել է քաղաքականություն, որ ծառերը պետք է հատել և նրանց փոխարեն դնել նոր ծառեր՝ այնպիսի տնկանյութերով, որոնք ես չէի օգտագործի կանաչապատման մեջ: Տնկի բնի հաստությունը չի կարևոր, այլ՝ սաղարթի ձևավորվածությունը: Երբ նայում ես նոր ծառերին, անհասկանալի, ծուռ, բազմաթիվ վերքերով տնկանյութ է, որից յուրաքանչյուրի համար վճարվել է 80 հազար դրամ»-նշել է ավագանու անդամը և հավելել, որ այս գործընթացը ողողված է կոռուպցիոն ռիսկերով: