«Մեկ խաղում են, մեկ էլ փալաս են դառնում». Հրանտ Բագրատյան

Մարտի 23-ին Թբիլիսիում կայացավ ՈՒԵՖԱ Ազգերի լիգայի անցումային փլեյ-օֆֆ փուլի Վրաստան-Հայաստան պատասխան հանդիպումը: Մեր ընտրանին պարտվեց մրցակցին 1:6 հաշվով:

«Հայելի» ակումբում ասուլիսի ժամանակ ՀՀ նախկին վարչապետ Հրանտ Բագրատյանն ասել է. «Երեկ տեսանք մի փալաս մարդկանց խումբ, որը կոչվում էր Հայաստանի ազգային հավաքական: Ոչ մոտիվացիա կար, ըտեղ խնդիրներ կան, ըտեղ փողերի խնդիրներ կան, մարզիչների փոփոխությունն ինձ համար անհասկանալի է, թափանցիկ չէ: Ինչո՞ւ չեն հրավիրում Վարդան Մինասյանին, որովհետև համարվում է ոչ իրենց մարդը: Ինչո՞ւ են հալածում Ռուբեն Հայրապետյանին, գուցե կարող էր ֆուտբոլիսներին մի երկու խոսք ասել՝ նման խաղի դեպքում: Ինչի՞ չի խաղում Հենրիխը, երբ փայլում է «Ինտեր»-ում: Իսկ այս ֆուտբոլիստները մեկ խաղում են, մեկ էլ փալաս են դառնում»: