«Ի վիճակի չեք ոչ սևերին զատել, ոչ հանցագործներին պատժել». Արման Բաբաջանյան

ԱԺ նախկին պատգամավոր Արման Բաբաջանյանի ֆեյսբուքյան գրառումը. «Քաղաքականությունը գաղափարների մրցակցություն է, ոչ թե մղկտալու հրապարակ։ Իսկ եթե դժգոհ եք քարոզչական մթնոլորտից, խնդրում ենք սկսեք ձեզնից՝ վարչական ռեսուրսի չարաշահումից, անօրինական և անանուն սոցիոլոգիաներից և ողջ դաշտը պիտակավորելուց:
Մենք համերաշխություն ենք բերում, դուք շարունակում եք դաշտը սև ու սպիտակի բաժանել: Ձեր ապիկար կառավարմամբ ապացուցել եք, որ ի վիճակի չեք ոչ սևերին զատել, ոչ հանցագործներին պատժել: Վարդանիկն ու Մարտունիկը այս ընտրություններում ձեր միակ փրկությունն են՝ հրեշների ֆոնին դուք հրեշտակ եք: Շնորհակալ եղեք նրանց՝ իրենց մասնակցության համար:
Եթե իրական համերաշխություն եք ուզում, եկեք բաց և ուղիղ խոսքի հարթակ՝ ծրագրերի շուրջ բանավիճելու։ Այստեղ կիմանանք՝ ով ինչ ունի առաջարկելու Գյումրիին։
Որովհետև վերջում ընտրությունը քաղաքական ճառերով չի որոշվում, այլ մարդկանց հանապազօրյա կյանքը փոխող գործերով»: