Սիրիայի իշխանությունները Ռուսաստանից պահանջում են արտահանձնել Ասադին

Սիրիայի առաջնորդ Ահմեդ ալ-Շարաան Ռուսաստանի նախագահ Վլադիմիր Պուտինից պահանջել է արտահանձնել հանրապետության նախկին ղեկավար Բաշար ալ-Ասադին՝ Դամասկոսում դատավարության համար։ Այս մասին հայտնել են Al Arabiya հեռուստաալիքի աղբյուրները։

«Ահմեդ ալ-Շարաան պահանջել է Վլադիմիր Պուտինից Բաշար ալ-Ասադին հանձնել Դամասկոսին դատավարության համար»,- ասվում է Al Arabiya-ի հայտարարության մեջ, որը հրապարակվել է X սոցիալական ցանցում: Այնուամենայնիվ, զեկույցը լրացուցիչ մանրամասներ չի ներկայացնում Ռուսաստանի արձագանքի կամ այս պահանջի հնարավոր հետևանքների մասին։