«Սպանդն անօրինական էր, հրաման տվողը` գլխավոր գյուղատնտես Նորիկ Շատոյանը». Էդուարդ Հայրումյան

Երևանի Բուսաբանական այգու պաշտոնական պատասխանն է՝ հատված կաղնիների մասին։ Քանի որ չկա որևէ խոսք այգու պաշտոնյաների կողմից օրինապահ մարմիններին դիմելու մասին, ապա այս պատասխանը, մեղմ ասած, շատ վատն է։
Ես այսօր առավոտ 10:00-ից այգում էի և անձամբ ներկա եմ գտնվել «դիտարկմանը»։
2024 թվականին այգում հատվել է առնվազն 20 հատ կաղնու ծառ։ Այգու տնօրենն իրոք նոր է նշանակվել (մինչև ծառերի հատումը), անձամբ եմ այսօր շփվել և որպես անձ միայն դրականը տեսա իրենից։
Բայց նաև շփվել եմ այգու մյուս պաշտոնյաների հետ (նաև անձամբ հրաման տվողի և անձամբ ծառերը հատողի), ու ոչ մի պաշտոնատար անձ չկարողացավ ներկայացնել հատման մասին որևէ թուղթ, ինչից ենթադրվում է, որ հատումը (իսկ իրականում սպանդը) անօրինական էր, ո՛չ հիմնավորված էր, ո՛չ փաստաթղթավորված, ո՛չ հրաման կար, ոչ էլ հատման տոմս»:
Գրառման մեկնաբանություններում նա նաև լուսանկար է հրապարակել ու գրել. «Բանվորներին անձամբ էս մարդն ա հրամայել՝ գլխավոր գյուղատնտես Նորիկ Շատոյանը»: