Ռուսաստանի փոխարտգործնախարարը բանակցություններ է վարել ՀԱՄԱՍ-ի հետ

Պաղեստինյան ՀԱՄԱՍ շարժման ղեկավարությունը Կատարի մայրաքաղաք Դոհայում բանակցություններ է վարել Մերձավոր Արևելքի և Աֆրիկայի հարցերով ՌԴ նախագահի հատուկ ներկայացուցիչ, Ռուսաստանի փոխարտգործնախարար Միխայիլ Բոգդանովի հետ, ասվում է ՀԱՄԱՍ-ի Telegram-ի ալիքում։
«Իսլամական դիմադրության շարժման պատվիրակությունը Կառավարման խորհրդի ղեկավար Մուհամեդ Դարվիշի հետ Կատարի մայրաքաղաք Դոհայում հանդիպել է Ռուսաստանի նախագահի՝ Մերձավոր Արևելքի և Աֆրիկայի հարցերով հատուկ ներկայացուցիչ, Ռուսաստանի արտաքին գործերի փոխնախարար Միխայիլ Բոգդանովի հետ: Կողմերը քննարկել են հրադադարի շուրջ բանակցությունների առաջընթացը, Իսրայելի կողմից համաձայնագրի շարունակական խախտումները և դրա իրականացմանը խոչընդոտող գործողությունները, ներառյալ հումանիտար արձանագրության իրականացման ձգձգումները, վրանների և ժամանակավոր տների ներմուծման արգելքը, վառելիքի և ծանր տեխնիկայի արգելքը՝ հիմնական ենթակառուցվածքները վերականգնելու համար»,- ասված է հաղորդագրությունում։
Բացի այդ, կողմերը քննարկել են «Հորդանան գետի արևմտյան ափին տիրող իրավիճակը, Իսրայելի ավերածությունները քաղաքներում և Հորդանան գետի փախստականների ճամբարներում»։
Հանդիպմանը մասնակցել են նաև ՀԱՄԱՍ-ի արտերկրի ղեկավար Խալեդ Մեշալը և արտաքին հարաբերությունների բյուրոյի ղեկավար Մուսա Աբու Մարզուկը: