«Իրանը միշտ ողջունել է խաղաղության հաստատումը տարածաշրջանում»․ Փեզեշքիան

Իրանի նախագահ Մասուդ Փեզեշքիանը ողջունել է Հայաստանի և Ադրբեջանի միջև խաղաղության համաձայնագրի տեքստի շուրջ ձեռք բերված համաձայնությունը։
Այս մասին ասվում է Փեզեշքիանի և ՀՀ վարչապետ Նիկոլ Փաշինյանի այսօրվա հեռախոսազրույցի վերաբերյալ ԻԻՀ նախագահի կայքում հրապարակված հաղորդագրությունում:

«Իրանը միշտ ողջունել է խաղաղության, մերձեցման և կայունության հաստատումը տարածաշրջանում, հատկապես հարևանների միջև՝ պահպանելով երկրների տարածքային ամբողջականությունը»,- նշվում է հաղորդագրությունում: