«ԱՄՆ-ն չի կարող Իրանին թելադրել»․ Արաղչի

Իրանի արտաքին գործերի նախարար Աբբաս Արաղչին մարտի 16-ին հայտարարել է, որ Վաշինգտոնը չունի Թեհրանի արտաքին քաղաքականությունը թելադրելու լիազորություն․

«Այս դարաշրջանն ավարտվել է 1979 թ․ին։ Անցյալ տարի Բայդենին խաբեցին՝ աննախադեպ 23 միլիարդ դոլար հանձնելով ցեղասպան ռեժիմին: Ավելի քան 60.000 պաղեստինցի է սպանվել, և աշխարհը պատասխանատու է համարում ԱՄՆ-ին»,- գրել է Արաղչին X իր էջում։

Նա նաև կոչ է արել ԱՄՆ-ին դադարեցնել Իսրայելին աջակցելն ու եմենցիների սպանությունը։
Ավելի վաղ՝ մարտի 12-ին, Իրանի գերագույն առաջնորդ այաթոլլա Ալի Խամենեին Թեհրանի հետ բանակցություններ վարելու պատրաստակամության մասին ԱՄՆ-ի հայտարարություններն անվանել էր համաշխարհային հասարակական կարծիքի խաբեություն։ Նա նշել է, որ, չնայած ամերիկյան նախագահի խոստումներին, ԱՄՆ-ի հետ բանակցությունները չեն հանգեցնի պատժամիջոցների չեղարկմանը, այլ միայն կուժեղացնեն ճնշումն Իրանի վրա։