«Մենք այսօր առաջարկ արեցինք, որն ուկրաինացիներն ընդունեցին». Մարկո Ռուբիո

ԱՄՆ-ի պետքարտուղար Մարկո Ռուբիոն հայտնել է, որ ամերիկյան պատվիրակությունը Սաուդյան Արաբիայում Ուկրաինայի ներկայացուցիչների հետ հանդիպման ժամանակ առաջարկել է զինադադար և անհապաղ անցում բանակցություններին՝ նշելով, որ Կիևը սատարում է այդ առաջարկը:
«Մենք այսօր առաջարկ արեցինք, որն ուկրաինացիներն ընդունեցին. այն է՝ կնքել հրադադարի համաձայնագիր և սկսել անհապաղ բանակցություններ՝ կայուն և ամուր ձևով վերջ դնելով այս հակամարտությանը, որը կհամապատասխանի նրանց շահերին, անվտանգությանը և որպես ազգ՝ բարգավաճելու նրանց կարողությանը», - ասել է նա լրագրողներին հանդիպումից հետո: