«Կայցելեմ Սաուդյան Արաբիա՝ 1 տրլն դոլլար ներդրումների դիմաց»․ Թրամփ

ԱՄՆ նախագահ Դոնալդ Թրամփն Օվալաձև աշխատասենյակում լրագրողների հետ զրույցում ասել է, որ գարնան ընթացքում կայցելի Սաուդյան Արաբիա այն բանից հետո, երբ այդ երկիրը համաձայնի 1 տրիլիոն դոլար ծախսել ամերիկյան ռազմական տեխնիկայի և այլ ապրանքների վրա։

Թրամփը խուսափել է պատասխանել հարցին, թե արդյո՞ք առաջիկայում նախատեսում է հանդիպել Ռուսաստանի նախագահ Վլադիմիր Պուտինի հետ Սաուդյան Արաբիայում՝ նշելով, որ կայցելի, եթե իր պահանջները բավարարվեն։

Թրամփն հիշեցրել է, որ իր նախորդ այցը Սաուդյան Արաբիա ավարտվել է 450 միլիարդ դոլարի գործարքով: Այս անգամ նա նոր պահանջ ներկայացրեց՝ չորս տարվա ընթացքում 1 տրիլիոն դոլարի ներդրում:

«Վերջին անգամ, երբ ես այցելեցի Սաուդյան Արաբիա, նրանք 450 միլիարդ դոլարի ներդրում արեցին... Հիմա նրանք ավելի հարուստ են, իսկ մենք՝ ավելի ծեր: Ուստի ես ասացի, որ կայցելեմ՝ ամերիկյան ընկերություններին չորս տարվա ընթացքում 1 տրիլիոն դոլար վճարելու դեպքում: Նրանք համաձայնեցին դա անել, ուստի ես պատրաստվում եմ գնալ այնտեղ»: