«Մակրոնը կզանգահարի Պուտինին՝ Զելենսկու համաձայնության դեպքում»․ #LePoint

Ֆրանսիայի նախագահ Էմանուել Մակրոնը պատրաստակամություն է հայտնել զանգահարել ՌԴ նախագահ Վլադիմիր Պուտինին՝ Ուկրաինայի նախագահ Զելենսկու և եվրոպացի առաջնորդների հետ համաձայնության գալուց հետո։ Այս մասին հայտնում է Le Point-ը։
«Ես պատրաստ եմ խոսել նախագահ Պուտինի հետ, երբ նախագահ Զելենսկին, ես և մեր եվրոպացի գործընկերները համարենք, որ ճիշտ ժամանակն է», - ասել է Մակրոնը։

Ավելի վաղ Ֆրանսիայի նախագահն արդեն պատրաստակամություն էր հայտնել «հարմար պահին» իր ռուս գործընկերոջ հետ զրուցելու հարցում։ Մակրոնի խոսքով՝ դա կարող է տեղի ունենալ բանակցությունների առաջիկա փուլում։

Ռուսաստանի նախագահի մամուլի քարտուղար Դմիտրի Պեսկովը, ավելի վաղ մեկնաբանելով Մակրոնի մտադրությունները, հայտարարել էր, որ երկու երկրների ղեկավարների միջև հեռախոսազրույց կազմակերպելու հարցում չեն ստացել։