«ՌԴ-ԱՄՆ հարաբերությունների կարգավորումը ենթադրում է պատժամիջոցների վերացում»․ Պեսկով

«Ռուս-ամերիկյան հարաբերությունների կարգավորումը պետք է ներառի պատժամիջոցների բեռի վերացում»,- ճեպազրույցի ժամանակ ասել է ՌԴ նախագահի մամուլի քարտուղար Դմիտրի Պեսկովը։

Այնուամենայնիվ, նա նշել է, որ ներկայումս ԱՄՆ-ի կողմից նման մտադրությունների հավաստիքներ չկան:

«Մեր վերաբերմունքը պատժամիջոցների նկատմամբ հայտնի է, մենք դրանք անօրինական ենք համարում»,- ասել է Կրեմլի ներկայացուցիչը։

Այս հարցում առաջընթացի առումով Պեսկովը նշել է, որ «հավանաբար դեռ վաղ է որևէ բանի մասին խոսելը։ Այս կապակցությամբ պաշտոնական հայտարարություններ չենք լսել»,- հավելել է նա։