«Պարզվեց՝ թանկացումը բոյկոտողներին սրանք համարում են «թուլեք»»․ Անդրանիկ Թևանյան

«Մայր Հայաստան» դաշինքի առաջնորդ Անդրանիկ Թևանյանի ֆեյսբուքյան գրառումը՝ կից տեսանյութով․ «Չեն սիրում բոլորիդ, խոնարհվում են բոլորի առաջ (հատկապես՝ Էրդողանի), զզվում են բոլորիցդ։
Նիկոլ Փաշինյանը մի դեմագոգիկ կարգախոս ուներ։ Հիշում եք։ Չկրկնեմ։ Լրիվ հակառակ իմաստն ուներ։ Նրա սիրած կարգախոսի իրական պատկերը տալիս են իր ենթակաները, նրանց բարեկամներն ու ՔՊԿ–ական խաժամուժը։ Հաճախ նաև Նիկոլը։
Մեկը թքում է քաղաքացու վրա, մյուսը՝ միջնամատ ցույց տալիս, երրորդը «թավշյա» հեղափոխության/իշխանահանձնման խորհրդանիշներից մեկի՝ «Օպել» մակնիշի ավտոմեքենաների վարորդներին անվանում է «համբալ», չորրորդը հպարտ որակված քաղաքացուն համարում է «անգրագետ Պողոս», հինգերորդը հայ զինվորին համարում է դասալիք։
Երեկ էլ պարզվեց, որ ավտոբուսի թանկացումը բոյկոտողներին սրանք համարում են «թուլեք»։ Սա լրացուցիչ մոտիվացիա պետք է լինի մեր քաղաքացիների համար, որպեսզի նրանք բոյկոտեն քաղաքային տրանսպորտի անհիմն թանկացումը։ Բոյկոտը դառնում է նաև արժանապատվության հարց»։