«Չնայած որոշ կայքերում Սյունիքը նշված է կարմիր գծով՝ այնտեղ կյանքը շատ լավ զարգանում է». Լուսինե Գևորգյան

«Նոյեմբերի վերջին շաբաթը այցելեցի Սյունիք, հանդիպեցի զբոսաշրջային ծառայություններ մատուցող ընկերությունների հետ: Արձանագրեցինք, որ Սյունիքում կյանքը բուռն է, շատ լավ զարգանում է, անկախ այն հանգամանքից, որ որոշ միջազգային կայքերում և դեսպանությունների էջերում Սյունիքը նշված է կարմիր գծով»,- պաշտոնավարման 100 օրվա ամփոփիչ ասուլիսի ժամանակ նշեց Զբոսաշրջության կոմիտեի նախագահ Լուսինե Գևորգյանը: Շարունակելով խոսքը՝ Գևորգյանը ընդգծեց. «Մենք ակտիվ աշխատանք ենք տանում տվյալ երկրների հետ և ԱԳՆ-ին ենք գրություններ ուղարկել, որպեսզի նրանք նույնպես աշխատեն կայքերից այդ կարմիր գծերի հեռացման համար»: «Սյունեցիները հրավիրում են Սյունիք՝ հանգստի, ժամանցի»,- ասաց Գևորգյանը՝ հավելելով, որ Սյունիքում հնարավոր է անցկացնել լիարժեք հանգիստ: