Հայտնաբերվել են Սամարայի նախկին քաղաքապետի և նրա կնոջ դիերի հատվածներ

Հայտնաբերվել են մոտ 1 ամիս առաջ սպանված Սամարայի նախկին քաղաքապետ Վիկտոր Տարխովի և նրա կնոջ՝ Նատալյայի դիերի որոշ հատվածներ։

Նախօրեին իրավապահները ձերբակալել էին նախկին պաշտոնյայի թոռնուհուն՝ Եկատերինա Բելսկայային, ով կրկնակի սպանության համար գլխավոր կասկածյալն է։

Կինը փողի, այդ թվում՝ թմրանյութերի համար, սպանել է հարազատներին, մասնատել, մարմնի մասերը աստիճանաբար դուրս բերել տնից ու տաքսիով տեղափոխել։ Բելսկայան չի ընդունել իր մեղքը, հրաժարվել է հետաքննության հետ համագործակցել։

Տեսանյութում երևում է, թե ինչպես է Եկատերինա Բելսկայան պլաստմասե տակառը տանում հարազատների՝ Նատալյա և Վիկտոր Տարխովների տան մուտքից։ Հանցագործությունը թաքցնելու համար նա գնել էր քիմիական նյութեր ու պլաստիկ տակառներ։

Բելսկայան չի հասցրել ամբողջությամբ ազատվել դիակներից։ Մարմնի կտորների մի մասը մնացել է բնակարանում։ Նրա տանը հայտնաբերվել են նաև սպանվածների հեռախոսները, անձնագրերը։