«Քրեական ենթամշակույթ կրող խմբավորումն իրականացրել է դրամական միջոցների անօրինական հավաքագրում». ՔԿ
![]() ՀՀ քննչական կոմիտեի հատկապես կարևոր գործերի քննության գլխավոր վարչությունում քննվող քրեական վարույթով առերևույթ փաստական տվյալներ են ձեռք բերվել, որ Ա.Ա-ն և քրեական աստիճանակարգություն ունեցող Ա.Ա-ն մասնակցել են քրեական աստիճանակարգության բարձրագույն կարգավիճակ ունեցող Ա.Ջ-ի կողմից ղեկավարվող անձանց միավորմանը: Մասնավորապես՝ Ա.Ա-ն մասնակցելով Ա.Ջ-ի կողմից ղեկավարվող քրեական ենթամշակույթ կրող խմբավորմանը, վերջինիս հանձնարարությամբ 2023-2024 թվականների ընթացքում իրականացրել է դրամական միջոցների հավաքագրում, ինչի արդյունքում ձեռք բերված անօրինական եկամուտը տնօրինվել է Ա.Ջ-ի կողմից և ուղղվել ՀՀ-ում գտնվող տարբեր կալանավայրեր: Բացի այդ, Ա.Ա-ն 2024 թվականի հունվարի 11-ին տեղեկանալով 2023 թվականի դեկտեմբերի 18-ին Ալավերդի քաղաքի թաղամասերից մեկում երկու անձանց միջև դանակահարության դեպքի մասին, ստանձնել է նշված մասնավոր հարցի լուծումը: Ա.Ա-ն շարունակելով մասնակցել քրեական ենթամշակույթ կրող խմբավորմանը՝ 2024 թվականի հունվարի 20-ին կապ է հաստատել քրեական աստիճանակարգության բարձրագույն կարգավիճակ ունեցող Ա.Ա-ի հետ և ներկայացնելով վերը նշված մասնավոր վեճը, վերջինիս միջոցով Ա.Ջ-ից թույլտվություն է ստացել, որ վիճաբանության կողմերից մեկը բռնության, սպառնալիքի, հարկադրանքի կամ անօրինական այլ գործողությունների միջոցով, քրեական ենթամշակույթ կրող խմբավորման կողմից սահմանված ու ճանաչված վարքագծի կանոնների համաձայն լուծի վեճը: Հանրային քրեական հետապնդում է հարուցվել Ա.Ա.-ի նկատմամբ՝ Քրեական օրենսգրքի 324-րդ հոդվածի 1-ին մասով (քրեական ենթամշակույթ կրող խմբավորմանը մասնակցելը կամ ներգրավելը), Ա.Ջ-ի նկատմամբ՝ 322-րդ հոդվածի 1-ին մասով (քրեական աստիճանակարգության բարձրագույն կարգավիճակ տալը կամ ստանալը կամ պահպանելը) և 323-րդ հոդվածի 2-րդ մասի 5-րդ կետով (քրեական ենթամշակույթ կրող խմբավորում ստեղծելը կամ ղեկավարելը), Ա.Ա-ի նկատմամբ՝ 322-րդ հոդվածի 1-ին մասով (քրեական աստիճանակարգության բարձրագույն կարգավիճակ տալը կամ ստանալը կամ պահպանելը) և 324-րդ հոդվածի 3-րդ մասի 5-րդ կետով (քրեական ենթամշակույթ կրող խմբավորմանը մասնակցելը կամ ներգրավելը): Վերջիններիս նկատմամբ որպես խափանման միջոց կիրառվել է կալանքը: Ա.Ա-ի մասով քրեական վարույթը մեղադրական եզրակացությամբ ուղարկվել է հսկող դատախազին՝ այն հաստատելու և ըստ էության քննության առնելու համար դատարան ուղարկելու: |
Տեղի է ունեցել ՀՀ-ում Նիդերլանդների դեսպանության պաշտոնական բացման արարողությունը
21812.03.2025, 21:54Գերագույն հոգևոր խորհրդի հայտարարությունը՝ շինծու դատավարությունների վերաբերյալ
59912.03.2025, 16:18«ԱՄՆ-ն և Ռուսաստանը Ուկրաինայի հարցով կհանդիպեն մարտի 11-ին կամ 12-ին». Թրամփ
33611.03.2025, 23:36Դատախազությունը Միհրան Պողոսյանից պահանջում է օֆշորային 2 ընկերության ձեռքբերման արժեքը, 10 միլիարդ դրամի գույք և այլն
34411.03.2025, 21:42«Վայոց ձորի անտառտնտեսություն» մասնաճյուղի նախկին տնօրենից կբռնագանձվեն անշարժ գույքեր ու դրամական միջոցներ
23111.03.2025, 21:00«Հայաստանի կողմից հնդկական հատուկ սարքավորումների ձեռք բերումը նախատեսված չէ օգտագործվելու համար». Արարատ Միրզոյան
17011.03.2025, 20:42