«Ես խաղաղարար եմ». Դոնալդ Թրամփ

Դոնալդ Թրամփն իր երդմնակալության արարողության ժամանակ հայտարարեց, որ ինքը խաղաղարար է։

Նա վստահեցրեց, որ «ամենից շատ հպարտ է, որ խաղաղարար և միավորող է»: «Ահա թե ինչ եմ ես ուզում լինել՝ խաղաղարար և միավորող»,- կրկնեց Թրամփը։

Նախընտրական քարոզարշավի ընթացքում Թրամփը բազմիցս խոստացել էր, որ մեկ օրում վերջ կդնի Ուկրաինայի հակամարտությանը։ Ավելի ուշ՝ դեկտեմբերին, նա ասաց, որ դա կարող է տևել մոտ վեց ամիս: Թրամփի խորհրդականները մի քանի տարբերակ են պատրաստել Ուկրաինայում հակամարտությունը դադարեցնելու ծրագրի համար։ Ընդհանուր առմամբ, դրանք նախատեսում են շփման գծի երկայնքով հակամարտության սառեցում և Կիևի՝ ՆԱՏՕ մտնելու հետաձգում։