«Բագրատաշենի պահեստում բռնկված հրդեհի տարածումը կանխվել է»․ ՊԵԿ

Բագրատաշենի անցակետի պահեստներից մեկում բռնկված հրդեհի տարածումը կանխվել է։ Մաքսակետի տարածքում բանվորներից մեկին անհրաժեշտ է եղել բուժօգնություն, որը պատշաճ կերպով կազմակերպվել է: Լրատվամիջոցներին այս մասին հայտնել են ՊԵԿ-ից։

Հիշեցնենք, որ ՀՀ ՆԳՆ մամուլի քարտուղար Նարեկ Սարգսյանը հայտնել էր, որ հունվարի 3-ին, ժամը 12։43-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։
Ըստ նախնական տվյալների՝ պահեստում այրվել է պիրոտեխնիկա։