ԱՄՆ-ում Սորոսին և Հիլարի Քլինթոնին Ազատության մեդալով պարգևատրելը որակել են որպես ազգային խայտառակություն

Նախագահ Ջո Բայդենը շաբաթ օրը դեմոկրատ մեգադոնոր Ջորջ Սորոսին և ԱՄՆ նախկին պետքարտուղար Հիլարի Քլինթոնին պարգևատրել էր Ազատության նախագահական մեդալով, ինչը վրդովեցրել է մի շարք քաղաքական գործիչների, ովքեր «ազգային խայտառակություն» են անվանել դա:

«Ջորջ Սորոսը միլիոններ է ծախսել՝ ընտրելով քաղաքական գործիչների, ովքեր մեղմ են վերաբերվում հանցագործությանը՝ թույլ տալով հանցագործներին ավերածություններ գործել մեր խոշոր քաղաքներում», - The New York Post-ին ասել է Մոնտանայի սենատոր Թիմ Շիհին: «Հիլարի Քլինթոնին և Ջորջ Սորոսին Ազատության նախագահական մեդալով պարգեւատրելու Ջո Բայդենի որոշումը ազգային խայտառակություն է»,- հավելել է հանրապետականը։

Պարգևատրմանը անդրադարձել էր նաև ամերիկացի միլիարդատեր, գործարար Իլոն Մասքը։

«Բայդենի կողմից Սորոսին Ազատության մեդալ շնորհելը ծաղր է»,- X սոցիալական ցանցի իր էջում մեկնաբանել է Մասքը։