Ուկրաինայի ԶՈւ-ն առաջին անգամ գերի է վերցրել ԿԺԴՀ բանակի զինվոր․ #Militarnyi

Ուրբաթ օրը Հարավային Կորեայի լրտեսական գործակալությունը հաստատել է Ուկրաինայի կողմից վիրավոր հյուսիսկորեացի զինվորի գերեվարումը, այն բանից հետո, երբ ուկրաինական «Militarnyi» լրատվականը հինգշաբթի հաղորդում էր, որ ուկրաինական ուժերը զինվորին գերի են վերցրել Կուրսկի շրջանում գործողությունների ժամանակ՝ չհստակեցնելով, թե երբ է տեղի ունեցել միջադեպը:Այս մասին հայտնում է Yonhap գործակալությունը։

Telegram-ում տարածվել է հյուսիսկորեացի զինվորի լուսանկարը, ով, ըստ երևույթին, վնասվածքներ էր ստացել: Զինվորի վիճակի և կարգավիճակի մանրամասները մնում են անհայտ։
Հաստատվելու դեպքում դա կլինի Ուկրաինայի կողմից պատերազմում ներգրավված հյուսիսկորեացի զինվորի գերեվարման առաջին դեպքը, հայտնում է ուկրաինական Militarnyi լրատվամիջոցը:
Ավելի վաղ հաղորդվել էր, որ Հարավային Կորեայի պաշտոնյաների տվյալներով՝ պատերազմին մասնակցելու համար մինչ այժմ Ռուսաստան են ուղարկվել մոտ 11000 հյուսիսկորեացի զինվորականներ: