«Փոթորկային ցիկլոնը կհարվածի Հարավային Եվրոպային և Փոքր Ասիային»․ Լևոն Ազիզյան

«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի ֆեյսբուքյան գրառումը․ «Հերթական ցիկլոնը, որը կհայտնվի Բալկաններում, կձևավորի առաջիկա երկու-երեք օրվա եղանակը Հարավային Եվրոպայի արևելյան մասում, ինչպես նաև Փոքր Ասիայի թերակղզում: Խոնավության հսկայական պաշարներով լցված ցիկլոնը կառաջացնի հորդառատ անձրևներ, տեղ-տեղ՝ հիմնականում նախալեռնային և լեռնային գոտիներում, կդիտվի առատ ձյուն։
Վատ եղանակը կազդի Բոսնիայի և Հերցեգովինայի, Խորվաթիայի հարավային և արևելյան շրջանների, Սերբիայի, Ռումինիայի, Բուլղարիայի, Շվեյցարիայի և Արևելյան Թուրքիայի կենտրոնական և արևելյան շրջանների վրա և այդտեղ սպասվում են թաց ձյան տեղումներ, տեղ-տեղ առատ, բուքով: Թուրքիայի արևմտյան հատվածում և հարավ-արևելյան Հունաստանում սպասվում են ուժեղ անձրևներ, տեղ-տեղ ուժեղ հորդառատ անձրևներ: Վատ եղանակը կուղեկցվի ուժեղ քամիներով՝ պոռթկումները մինչև 14–19 մ/վրկ արագությամբ, իսկ Միջերկրական ծովում պոռթկումները կհասնեն 20–25 մ/վ արագության»։