Գերմանիայում ամբոխի մեջ մխրճված ավտոմեքենայի վարորդի արյան մեջ թմրանյութ է հայտնաբերվել

Գերմանիայի Մագդեբուրգ քաղաքում սուրբծննդյան տոնավաճառի այցելուներին վրաերթի ենթարկած ավտոմեքենայի վարորդի արյան մեջ թմրանյութ է հայտնաբերվել, հայտնում է Bild-ը։ «Արյան մեջ թմրանյութի առկայության առաջին թեստը դրական է եղել»,- հայտնել են ոստիկանությունից։

Հիշեցնենք՝ միջադեպի հետևանքով զոհերի թիվը հասել է 5-ի, ավելի քան 200 մարդ վիրավոր է:

Ավելի վաղ հայտնել էինք, որ վարորդը 50-ամյա բժիշկ Թալեբ Ա-ն է, ծագումով Սաուդյան Արաբիայից, առաջին անգամ Գերմանիա է եկել 2006-ին։