«Հայ պատանդների քրեական գործերն ավելացել են Փաշինյանի թեթև ձեռամբ»․ Գառնիկ Դանիելյան

Ռուբեն Վարդանյանի քրեական գործը ավելացավ Նիկոլ Փաշինյանի հայտարարություններից հետո։ Այս մասին «Հայելի» ակումբում դեկտեմբերի 19-ին հայտարարեց ԱԺ «Հայաստան» խմբակցության պատգամավոր Գառնիկ Դանիելյանը։ «Հիմա, որ ասում են՝ էդ մարդկանց ցմահ ազատազրկման են դատապարտում, քրեական գործերն ավելացել են, դա Նիկոլ Փաշինյանի թեթև ձեռամբ ա։ Դա արդեն ոչ փակ ինֆորմացիա ա, ոչ բան ա․․․ Եվ նաև մենք պետք ա հիշենք էն հայտարարությունները, որ արվել են ՌԴ նախագահ Վլադիմիր Պուտինի կողմից, ով ասել էր, որ էս իշխանությունները նպատակ չունեն, որ էդ մարդիկ էնտեղից դուրս գան»,- ասաց Դանիելյանը։
«Գործում ա մի հանցավոր պլան, մի հանցավոր համաձայնություն՝ էս իշխանությունների և դրսի ուժերի, որոնք ՀՀ թշնամիներն են, էդ մարդկանց (Ադրբեջանում պատանդ պահվող Արցախի ռազմաքաղաքական ղեկավարությանը-խմբ․) էս եղանակով այնտեղ վերացնելու և հնարավորություն չտալու, որ էս մարդիկ էնտեղից դուրս գան»,- նկատեց պատգամավորը։
«Ինչի՞ց ա, որ միջազգային կառույցները, որին դիմում ես, ասում են՝ ձեր իշխանությունները շահագրգռված չեն Բաքվի բանտերից ռազմաքաղաքական ղեկավարության ազատ արձակման»,- ասաց Դանիելյանը։