Էստոնիան պատժամիջոցներ է կիրառել վրացի պաշտոնյաների նկատմամբ

Էստոնիան պատժամիջոցներ է կիրառում Վրաստանի 14 պաշտոնյաների, այդ թվում՝ երկրի վարչապետ Իրակլի Կոբախիձեի նկատմամբ, հայտարարել է արտգործնախարար Մարգուս Ցախկնան։ Դեկտեմբերի սկզբին հանրապետությունն արգելել էր Վրաստանի իշխանությունների 11 ներկայացուցիչների մուտքը երկիր։

«Էստոնիան պատժամիջոցներ է կիրառել Վրաստանի իշխանությունների ևս 14 ներկայացուցչի, այդ թվում՝ վարչապետ Կոբախիձեի նկատմամբ։ Իշխանությունների կողմից ցուցարարների, լրագրողների և ընդդիմության առաջնորդների նկատմամբ իրականացված բռնությունները հանցավոր են և հակասում են մարդու իրավունքներին։ Կոչ եմ անում ԵՄ բոլոր երկրներին արձագանքել և քայլեր ձեռնարկել»,- գրել է նա։