Հարավային Կորեայում ընդդիմադիրները նախագահի իմպիչմենթի օրինագիծ են ներկայացրել

Հարավային Կորեայի ընդդիմադիր 6 կուսակցություններ, այդ թվում՝ գլխավոր ընդդիմադիր Դեմոկրատական կուսակցությունը, երկրի նախագահի դեմ իմպիչմենթի օրինագիծ են ներկայացրել, որի քվեարկությունը նախատեսված է դեկտեմբերի 6-7-ը, հաղորդում են տեղի լրատվամիջոցները:

Ավելի վաղ հայտնել էինք, որ Հարավային Կորեայի ընդդիմադիր կուսակցությունները պահանջում են նախագահի, պաշտպանության, ներքին գործերի ու անվտանգության նախարարների իմպիչմենթը՝ նրանց մեղադրելով պետական հեղաշրջման փորձի մեջ: Պաշտպանության նախարարն արդեն հայտնել է իր հրաժարականի մասին: