«Էականն այն է, թե պետական աստիճանակարգության ո՞ր դիրքերում է տեղի ունենում «պադավատազերծում»»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Պադավատապետությունը ծառայական մեքենաների քանակը չէ, այլ՝ «որակը»։ Այսինքն, «պադավատապետությունը» բնորոշվում է նրանով, թե ծառայական մեքենաները ինչ տրամաբանությամբ են կիրառվում, իշխանական հիերարխիայի ինչպիսի կառուցվածքով, աստիճանակարգով: Կարելի է օրինակ կրճատել մեքենաները 80 տոկոսով, բայց չստանալ այն էֆեկտը, որը հնարավոր է ստանալ ասենք թե, պայմանական՝ 20 մեքենա կրճատելով:
Կրկնեմ, ոչ թե 20 տոկոս կրճատելով, այլ՝ 20 մեքենա:
Էականն այն է, թե պետական աստիճանակարգության ո՞ր դիրքերում է տեղի ունենում «պադավատազերծում»:
Եթե իհարկե նպատակը իրապես սոցիալ-հոգեբանական էֆեկտ ստանալն է, այլ ոչ թե զուտ պրոպագանդիստական»։