Վրաստանի խորհրդարանական ընտրությունների քվեների հաշվարկն ավարտվել է

Վրաստանի խորհրդարանական ընտրությունների քվեների հաշվարկն ավարտվել է, հայտնում է Կենտրոնական ընտրական հանձնաժողովը։

3111 ընտրատեղամասերից 3110-ի քվեաթերթիկների մշակման արդյունքների հիման վրա իշխող «Վրացական երազանք»-ը հավաքել է ձայների 53,92%-ը։

Ընդդիմադիր չորս կուսակցությունները ստացել են ընդհանուր ձայների 37,78%-ը.

«Փոփոխության կոալիցիա»՝ 11,04%
«Միասնություն՝ ազգային շարժում»՝ 10,16%
«Ուժեղ Վրաստան» – 8,81%
«Գախարիան Վրաստանի համար»՝ 7,77%

Մեկ տեղամասում քվեարկության արդյունքները չեղարկվել են։ Խոսքը Մառնեուլիի թիվ 69 ընտրատեղամասի մասին է, որտեղ քվեաթերթիկների զանգվածային լցոնումներ են տեղի ունեցել։