«Ադրբեջանն ու Հայաստանը շահագրգռված են հաշտության պայմանագրի շուտափույթ կնքման հարցում». Սերգեյ Լեբեդև

Ադրբեջանն ու Հայաստանը շահագրգռված են հաշտության պայմանագրի շուտափույթ կնքման հարցում, հայտնել է ԱՊՀ-ի գլխավոր քարտուղար Սերգեյ Լեբեդևը:

Դա համապատասխանում է ողջ ԱՊՀ-ի, այդ թվում՝ Հայաստանի և Ադրբեջանի շահերին, կարծում է Լեբեդևը։

«Ռուսաստանը և Թուրքիան չափազանց շահագրգռված են Հարավային Կովկասում իրավիճակի կայունացմամբ, որովհետև դա շատ մեծ հնարավորություններ է բացում», - ասել է նա:

Ըստ Լեբեդևի՝ այս առումով առաջարկները շատ են՝ և՛ Բաքվից, և՛ Երևանից։

«Առաջարկությունները ողջամիտ են, քանի որ դրանք տնտեսապես ձեռնտու են տարածաշրջանի բոլոր երկրներին, այդ թվում՝ Ռուսաստանին և Կասպից ծովի հարևաններին՝ Թուրքմենստանին, նաև՝ Իրանին և այլն»,- հավելել է ԱՊՀ գլխավոր քարտուղարը։