ՄԱԿ-ի գլխավոր քարտուղարը կոչ է արել կանխել պատերազմը Մերձավոր Արևելքում
 Իրանի վրա Իսրայելի հարձակումներից հետո ՄԱԿ-ի գլխավոր քարտուղար Անտոնիո Գուտերեշը խորապես անհանգստացած է Մերձավոր Արևելքում առկա սրացումներով և կոչ է անում դադարեցնել ռազմական գործողությունները։ Նրա հայտարարությունը տեղադրված է կազմակերպության կայքում։ Նրա խոսքով՝ էսկալացիայի բոլոր ակտերը պետք է դատապարտվեն և դադարեցվեն։ «Գլխավոր քարտուղարը խստորեն կրկնում է իր կոչը բոլոր կողմերին՝ դադարեցնել բոլոր ռազմական գործողությունները, ներառյալ՝ Գազայում և Լիբանանում, գործադրել բոլոր ջանքերը՝ կանխելու լայնածավալ տարածաշրջանային պատերազմը և վերադառնալ դիվանագիտության ճանապարհին»,- ասել է խոսնակ Ստեֆան Դյուժարիկը։ Նույն կոչով են հանդես եկել Եգիպտոսի և Ֆրանսիայի նախագահներ Աբդել Ֆաթահ աս-Սիսին և Էմանուել Մակրոնը։ Նրանք ընդգծել են զսպվածության և փոխադարձ հարձակումների ցիկլը դադարեցնելու անհրաժեշտությունը, որոնք ամբողջ Մերձավոր Արևելքը բերում են տարածաշրջանային պատերազմի շեմին, որը սպառնում է նրա բոլոր ժողովուրդների ռեսուրսներին: Հիշեցնենք, որ հոկտեմբերի 26-ի գիշերը Իսրայելը հարվածներ է հասցրել իրանական ռազմական օբյեկտներին՝ ի պատասխան հոկտեմբերի 1-ին Իրանի զանգվածային հարձակման։ Երկրի պաշտպանության բանակը հայտարարել է իրանական ձեռնարկությունների, այդ թվում՝ հրթիռների արտադրության օբյեկտների և հակաօդային պաշտպանության համակարգերի վրա հարձակումների մասին։ Իրանը կոչ է արել միջազգային հանրությանը քայլեր ձեռնարկել Իսրայելի դեմ՝ Մերձավոր Արևելքում պատերազմի բռնկումը կանխելու համար։ |
«Հինգ իրավապաշտպանների նախաձեռնություն»-ը հանդես է եկել հայտարարությամբ
4113:06
«Զինված ուժերում հետաձգվել են երդման արարողությունները, սահմանափակվել են տեսակցությունները»․ ՀՀ ՊՆ
449Երեկ, 11:12
ՀՀ ազգային անվտանգության ռազմավարության վերանայման աշխատանքները համակարգող միջգերատեսչական հանձնաժողով կստեղծվի
72419.02.2025, 15:54
ՌԴ քաղաքացի Էմիլ Թորոսյանին արտահանձնելու որոշման դեմ բողոքը մերժվել է
71819.02.2025, 13:48
Սամվել Բալասանյանի նկատմամբ հետախուզում է հայտարարվել
74219.02.2025, 13:36
ՊՆ N զորամասի ճաշարանի խոհանոցում բռնկված հրդեհը մարվել է
41119.02.2025, 11:18