Ֆլորիդան` «Միլթոն» փոթորկի ճիրաններում. հաղորդվում է զոհերի ու խոշոր ավերածությունների մասին
«Միլթոն» փոթորիկը հասել է Ֆլորիդա՝ դառնալով վերջին հարյուրամյակի ամենաավերիչ փոթորիկներից մեկը: Ժամում գրեթե 300 կիլոմետր արագության հասնող քամիները երեք միլիոն մարդու թողել են առանց էլեկտրականության։ Իշխանությունները հայտնել են առաջին զոհերի մասին և հայտարարել, որ տարհանվել է 6 միլիոն բնակիչ: Թամփայի քաղաքապետ Ջեյն Քաստորը շատ խիստ նախազգուշացում է արել. նա կոչ է արել բոլոր բնակիչներին լքել տարհանման գոտիները՝ ասելով, որ քաղաքում մնալը մահացու վտանգ է պարունակում։ Օդերևութաբաններն ասում են, որ փոթորիկը հսկայական վնաս է պատճառում, որը համեմատելի է «Քաթրինա»-ի կամ «Մարիա»-ի նման փոթորիկների հետ: «Միլթոն» փոթորիկի բացառիկ ուժն այն է, որ այն կարող է բազմաթիվ տորնադոներ առաջացնել: «Միլթոն» փոթորկի հետևանքով առաջացած ջրհեղեղը կարող է ունենալ տարբեր ձևեր, որոնցից յուրաքանչյուրն ունի իր ռիսկերն ու սպառնալիքները: Ափամերձ շրջաններում ջրի մակարդակը կարող է բարձրանալ 3-4,5 մետրով։ Դա պայմանավորված է նրանով, որ փոթորկի ուժեղ քամիները ջուրը մղում են դեպի ափ՝ առաջացնելով կտրուկ վերելք։ Ակնկալվում է, որ կհեղեղվեն ցածրադիր վայրերը, հատկապես Թամպա Բեյի տարածքում: Հարկ է նշել, որ փոթորիկները հաճախ ուղեկցվում են ինտենսիվ տեղումներով: Այս դեպքում «Միլթոն»-ը կարող է բերել մինչև 350 մմ անձրև։ |
«Ընթերցեք, թե ինչ է ասում Պապ Այվազյանի հայրը ու մեկ անգամ ևս մտածեք»․ Գեղամ Նազարյան
3310:24«4 երկար ու ձիգ տարիներ սպասումից հետո հաստատվեց Հայկ Մանուկյանի ԴՆԹ-ն»․ Ժաննա Գևորգյան
3909:42Կոմիտասի շուկայի վաճառականներին հեռացնում են, որ օլիգարխի բիզնեսը զարգանա. «Ժողովուրդ»
4309:06Սպասվում է առանց տեղումների եղանակ
4408:24ՔՊ-ն քվեարկությամբ մերժել է Արդարադատության նախարարի բոլոր թեկնածուներին
7800:36«Անչոկն ուզում է ձեզ բարոյապես աջակցի, իսկ դուք հրաժարվում եք». Արգիշտի Կիվիրյան
9000:12