«Հանրային այգում ի՞նչ կայանատեղի»․ Քրիստինա Վարդանյան

Երևանի ավագանու անդամ Քրիստինա Վարդանյանը, ֆեյսբուքյան էջում արձագանքելով քաղաքացի Սուրեն Սեմերջյանի գրառմանը, նշել է․ «Փաստորեն միայն Լվովյանի բնակիչներին կարողացած հեռացնել իրենց տներից, դրանով ավարտվեց աշխատանքը։ Հանրային այգում ի՞նչ կայանատեղի, Երևանի քաղաքապետարա՛ն, Ոստիկանություն Պարեկային ծառայությո՛ւն, ՀՀ տարածքային կառավարման և ենթակառուցվածքների նախարարությո՛ւն»։

Ավելի վաղ օգտատերը տեսանյութ էր տարածել իր էջում՝ կից գրառմամբ․ «Թաթուլ Կրպեյանի անվան այգու տարածքում մեքենաների կայանման հետ կապված անօրինությունը շարունակվում է։ Կարծես թե ոչ մի դիմում կամ միջնորդություն արդյունք չի տալիս։ Ի հեճուկս օրենքով տրված լիազորությունների և գործիքակազմի՝ Քաղաքապետարանի անզորությունը չի հաղթահարվում»։