«Կիրանցում դպրոցի նոր շենք կկառուցվի»․ Ոսկան Սարգսյան

Լրագրող Ոսկան Սարգսյանը գրում է․ «Կիրանցում դպրոցի նոր շենք կկառուցվի։ Կառավարությունը օգոստոսի 29-ին ի թիվս այլ հարցերի, որոշել է՝ ընդունել Հայաստանի Հանրապետության Տավուշի մարզի Իջևան համայնքի սեփականություն հանդիսացող, մարզ Տավուշ, համայնք Իջևան, գյուղ Կիրանց 2-րդ փողոց 1 հասցեում գտնվող 0․59953 հեկտար մակերեսով հողամասի (անշարժ գույքի նկատմամբ իրավունքների պետական գրանցման վկայական՝ N 22082024-11-0076, այսուհետ՝ գույք) նվիրատվությունը Հայաստանի Հանրապետությանը և գույքն ամրացնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին ։
Այդ տարածքը տարածքային կառավարման և ենթակառուցվածքների նախարարության պետական գույքի կառավարման կոմիտեին ամրացվում է դպրոցի նոր շենք կառուցելու համար։ Կիրանցի նորակառույց դպրոցը, որի շինարարության համար պետական բյուջեից 642 միլիոն դրամ է ծախսվել, պետք է բացվի սեպտեմբերի 2-ին։ Այդ շենքը Ադրբեջանի հետ նոր սահմանից մոտ 40 մետր հեռավորությամբ է գտնվում։ Կիրանց գյուղից շատ ծնողներ մեծ մտահոգություններ ունեն նորակառույց դպրոցում իրենց երեխաների անվտանգության համար»։