«10 տարի հետո Neuralink չիպերը կտեղադրվեն միլիոնավոր մարդկանց ուղեղներում»․ Մասք

Ամերիկացի ձեռնարկատեր, Neuralink ընկերության հիմնադիր Իլոն Մասքը հայտարարել է, որ մտադիր է 10 տարվա ընթացքում չիպեր տեղադրել միլիոնավոր մարդկանց ուղեղներում։ Այս մասին նա գրել է X-ում։

«Եթե ամեն ինչ լավ ընթանա, ապա մի քանի տարի անց Neuralink-ով հարյուրավոր մարդիկ կլինեն, գուցե տասնյակ հազարավորներ 5 տարվա ընթացքում, միլիոնավորներ՝ 10 տարվա ընթացքում»,- գրել է նա։

Փետրվարին հաղորդվել է Neurolink չիպն առաջին մարդու ուղեղում տեղադրելու մասին, որին հաջողվել է մտքի ուժով կառավարել մկնիկը։