Երևան`   +21 °C
Այսօր`   Երկուշաբթի, 20 մայիսի, 2024 թ.

Դիլիջանի քրեականի պետի հրամանով Ազգային պարկում ծառահատումներ են․ «Բնապահպանի տուն»

176
Շաբաթ, 20 ապրիլի, 2024 թ., 02:06
Դիլիջանի քրեականի պետի հրամանով Ազգային պարկում ծառահատումներ են․ «Բնապահպանի տուն»

«Բնապահպանի տուն» ՀԿ-ն լուսանկարներ է տարածել՝ կից գրառմամբ․ «Ազգային պարկում նորից մեծ ծառահատումներ են և այս անգամ Դիլիջանի քրեականի պետի հրամանով։
Ըստ «Դիլիջան» ազգային պարկի պահպանության հարցում պատասխանատու ու նոր ստեղծված էկո-պարեկի ղեկավար պարոն Մուսայելյանի՝ կտրված բազմաթիվ փշատերևները ազգային պարկի տարածքից դուրս են և իրենք այնտեղ բան չունեն անելու։
Նկարի մեջ կապույտով նշված են հենց «Դիլիջան» ազգային պարկի հսկողության տակ գտնվող տարածքները։ Գույնի ու անտառի մեջ եղած թեթև շեղումներին մի նայեք։ Դա սովորական երևույթ է։
Հիմա հարց՝ էդ դեպքում պաշտոնական քարտեզները ինչո՞ւ են հակառակը ցույց տալիս։ Մեզ շատ հետաքրքիր է, թե այս մարդիկ ընդհանրապես իրենց պատասխանատվության տակ տարածքների սահմաններից տեղյակ են, թե՞ ոչ։ Մենք, որ ընդամենը բնությունը սիրող քաղաքացիներ ենք ու ոչ մի բան պարտավոր չենք իմանալ՝ ի վիճակի ենք շատ արագ ճշտել սահմաններն ու նաև այն փաստը, որ գործը լղոզելու են։
Եվս մեկ անգամ ներքևում նշում ենք բոլոր պետական կառույցներին, ովքեր պարտավոր են ուշադիր լինել, գտնել ու պատժել բոլոր մեղավորներին։

ՀՀ շրջակա միջավայրի նախարարություն,

Էկոպարեկային ծառայություն,

ՀՀ ոստիկանություն»։

Աղբյուրը`   Բնապահպանի տուն