Երևան`   +15 °C
Այսօր`   Ուրբաթ, 19 ապրիլի, 2024 թ.

Տաքսու վարորդները միմյանց հայհոյել ու ծեծել են օդանավակայանում

390
Երկուշաբթի, 01 ապրիլի, 2024 թ., 19:18
Տաքսու վարորդները միմյանց հայհոյել ու ծեծել են օդանավակայանում

Վիճաբանություն եւ ծեծկռտուք է տեղի ունեցել Զվաթրնոց օդանավակայանում: Հայտնում են ՀՀ ոստիկանությունից:

ՆԳՆ ոստիկանության «Զվարթնոց» օդանավակայանի գծային բաժնի և ՊԾ Երևան քաղաքի գնդի 2-րդ գումարտակի պարեկները մարտի 29-ի գիշերվա ժամը 2.50-ին օդանավակայանում ծառայություն իրականացնելիս դրսից վիճաբանության ձայներ լսելով՝ մոտեցել և տեսել են, որ երկու քաղաքացի սեռական բնույթի հայհոյանքներ են հնչեցնում և փոխադարձ հարվածներ հասցնում միմյանց:
Նրանք խուլիգանություն կատարելու կասկածի հիման վրա ձերբակալվել և տարվել են գծային բաժին, որտեղ պարզվել է նրանց ինքնությունը:

Երևանի բնակիչ 39-ամյա և Արմավիրի բնակիչ 42-ամյա տղամարդիկ՝ երկուսն էլ տաքսու վարորդ, կազմված փաստաթղթերի հետ ներկայացվել են նախաքննական մարմին:

Կատարվում է նախաքննություն: